1Th 1 | NdeIBE | STEP | UPhawuli, loSila kanye loThimothi, Ebandleni lamaThesalonika akuNkulunkulu uBaba laseNkosini uJesu Khristu: Umusa lokuthula kakube kini. Ukubongela ukholo lwamaThesalonika

1 Thessalonians 1

1 UPhawuli, loSila kanye loThimothi, Ebandleni lamaThesalonika akuNkulunkulu uBaba laseNkosini uJesu Khristu: Umusa lokuthula kakube kini. Ukubongela ukholo lwamaThesalonika

2 Sihlala silibongela lonke kuNkulunkulu, siliqamba emikhulekweni yethu.

3 Siyawukhumbula kokuphela phambi kuka-Nkulunkulu wethu uBaba umsebenzi wenu ongenxa yokukholwa, lokusebenza kwenu okufuqwa luthando, kanye lokubekezela kwenu okufunzelelwa yikuthemba eNkosini uJesu Khristu.

4 Bazalwane abathandwa nguNkulunkulu, siyakwazi ukuthi ulikhethile, 5 ngoba ivangeli lethu lafika kini hatshi ngamazwi nje kuphela, kodwa langamandla, loMoya oNgcwele kanye lokukholwa okujulileyo. Liyakwazi ukuba sahlala njani phakathi kwenu ngenxa yenu.

6 Lina laba ngabasilingisayo thina kanye leNkosi; langaphandle kokuhlupheka okukhulu, ilizwi lalamukela ngokuthokoza okuvela kuMoya oNgcwele. 7 Ngakho laba yisibonelo kuwo wonke amakholwa eMakhedoniya kanye le-Akhayiya.

8 Ilizwi leNkosi lezwakala livela kini hatshi eMakhedoniya kuphela lase-Akhayiya – ukukholwa kwenu kuNkulunkulu sekusaziwa ezindaweni zonke. Ngakho akusweleki ukuba sitsho ulutho ngakho, 9 ngoba bona ngokwabo bayabika ukuthi lasamukela njani. Bayatsho ngokuphendukela kwenu kuNkulunkulu lihlubuka ezithombeni ukuba likhonze uNkulunkulu ophilayo loqotho, 10 lilindele leNdodana yakhe evela ezulwini, ayivusayo kwabafileyo – uJesu, osihlengayo elakeni oluzayo.